|
ҳам тўхталиб ўтирмадик. Мусулмонлар диёрларида йўлга қўйилган рибога оид маккор иқтисодий сиёсатлар ҳақида ҳам оғиз очмадик. Халқаро банк ва халқаро валюта жамғармаларининг мусулмонларни, нафақат мусулмонларни, балки тузоғига илинган бошқа давлатларни ҳам бўғадиган сиёсатлари ҳақида ҳам сўзламадик. Негаки, бу ишлар тафсилоти тафсиримиз мавзусига кирмайди. Рибога асосланган бу тузумнинг хатарлилиги ҳақидаги айтиб ўтган гапларимиздан мақсад одамларга рибонинг Аллоҳга ва Пайғамбар с.а.в.га қарши уруш очиш эканининг, жамиятни зинодан ҳам баттарроқ бузадиган иллат эканининг бир учини англатиш эди.
Модомики, умматнинг иқтисодий ҳаётини рибо тузуми бошқарар экан, у иқтисодий саодатга ҳам, иқтисодий барқарорликка ҳам эриша олмайди.
Шу ўринда кимлардир мана бундай дейишлари мумкин: Одамлар орасидаги иқтисодий алоқалар ҳеч қачон тўхтаб қолмайди, улар орасида кимдир бой, пули кўп бўлади, энди агар у молини банкка қўйиб, фойда олиб турмаса, унинг моли ишламасдан бекор туриб қолади-ку. Бу бир жиҳатдан.
Иккинчи жиҳатдан улар орасида камбағаллар, қарзларини уза олмаётган муҳтожлар ҳам бор. Рибо оладиган банкларнинг мавжудлиги уларни кейинроқ бериладиган фойда эвазига бўлса ҳам ҳозирда бўлиб турган қарзларидан халос қилади-ку.
Гоҳида шахслар қандайдир ишларни йўлга қўйиш учун маблағга муҳтож бўладилар ва банклардан қарз олиб мавжуд ҳолатларини ўнглаб оладилар-да, кейинроқ қарзни фоизи билан тўлаб қўядилар.
Ҳозирги мавжуд рибога асосланган иқтисодий тузумсиз бу муаммолар қандай ҳал этилади?
Бу муаммоларнинг ечимини Ислом кишининг қалби таскин топадиган, қаноат ҳосил қиладиган тарзда, етарлича баён қилиб қўйган. Унга амал қилган одам ҳаётнинг ҳамма жабҳаларидаги иқтисодий хотиржамликни ҳис этади. Бойликлардан унумли, одамларни қул қилишу диёрларни вайрон этишсиз ҳам фаровон ҳаётни кафолатлайдиган тарзда фойдалана билади.
У латиф (лутфу марҳаматли), хобир (ҳамма нарсадан хабардор), ҳаким (ҳар бир ишни бир ҳикмат билан қиладиган), алим (ҳамма нарсани биладиган) Зот томонидан юборилган диндир. У Зот махлуқотларини нима ўнглашини ҳам, уларни дунёю охират саодатига нима олиб боришини ҳам яхши билади.
Хўш, Ислом бу муаммоларни қандай ҳал қилади? Энди мана шунинг баёнига киришамиз.
192-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232